Thursday, January 10, 2013

ජේසුස් ක්‍රිස්තුස් වහන්සේගේ නාමයෙන්..!

ජේසුස් ක්‍රිස්තුස් වහන්සේගේ නාමයෙන්..!

අසිරිමත් නත්තල වෙනුවෙන් ජේසුස් ක්‍රිස්තුස් වහන්සේගේ උත්පත්තිය සිහි කරමින් ගවලෙන් ඉදි කිරීම සිදු කෙරේ.ඒ බොහෝ විට කිතුණු බැතිමතුන්ගේ නිවෙස් තුළය.නමුත් විහාරස්ථානයක ස්වාමින්වහන්සේලා සහ තරුණ බෞද්ධ සමිතිය එක්ව ගවලෙනක් ඉදි කර තිබේ.මාරවිල - දෙමටපිටිය ශ්‍රී පුෂ්පාරාම විහාරස්ථානයේ විහාරාධිපති පූජ්‍ය මඩුකුඹුරුමුල්ලේ විමලඥාන ස්වාමීන් වහන්සේ තම විහාරස්ථානයේ තරුණ බෞද්ධ සංගමයද එක්ව විහාරස්ථානය ඉදිරිපිට දර්ශණීය ගවලෙනක් ඉදි කළේය.මේ එකී ගව ලෙන ඉදි කළ අවස්ථාවයි.

සාන්ත නිකුලා තුමා හෙවත් නත්තල් සීයාව වෙළඳ භාණ්ඩයක් නොකරමු


සාන්ත නිකුලා තුමා හෙවත් නත්තල් සීයාව වෙළඳ භාණ්ඩයක් නොකරමු


නත්තල් සීයා ලෙස පුංචි දරුවන් අතර වඩාත් ජනප්‍රිය සාන්ත නික්ලස් තුමා අද නත්තල් සීයා නමින් වෙලඳ භාණ්ඩ බිහිවී ඇත නත්තල් සීයා ලෙස පුංචි දරුවන් වඩාත් ප්‍රිය කරන සාන්ත නික්ල්ස තුමා (නිකුලා) ...අද අන්තර්ජාලයේ නත්තල් සීයා නමින් සල්ලාලයන් සිටිනවා..වෙලඳ භාන්ඩ සඳහා නත්තල් සීයා යොදා ගන්නවා ඇත්තටම නත්තල් සීයා කවුද? කියාවත් නොදැන අධර්මිශ්ඨ සමාජය ඔහුව විකුණා කනවා...සැබෑ නත්තල සැමරු සාන්ත නිකුලා තුමා දුප්පතුන් සමග තම නත්තල බෙදා හදා ගත් බව නොදැන අසභ්‍ය චායාරූප පවා ඔහුට එක් කර ඔහුව විවේචනය කරයි...වර්තමානයේ ලංකාවේ අන්‍යාගමිකන් පවා ඔහුව විවේචනය කරයි..කිතුණු අප තාඩන,පීඩණ,විවේචන මතින් බිහිවු දහමකී අපි එය ඉවසනවා... ක්‍රි.ව 270 වේදි ඔහු තුර්කියේ උපත ලැබුවේය සාන්ත නිකුලස් තුමා ධනවත් පවුලකින් පැවත ආ කෙනෙකු..ඔහු සියල්ල අත හැර ජේසුස් වහන්සේගේ ගමන සඳහා ඔහු එක් වුවා.. ඔහුගේ ජීවිතයේ වැදගත් සන්ධිස්තාන පෙලක්

1 ඔහු ජනතාව වෙනුවෙන් පෙනී සිට සිරගත වු අවස්තාවන් එමටයි .
2 දෑවැද්ද දීමට නොහැකිව විවාහ වීමට බලාපොරොත්තුවෙන් සිටින යෞව්වණියන්ට රන් ආභරණ ලබා දීම .
3 බිලි පුජාව සඳහා ඝාතනයට සූදානම් කල දරුවන්ගේ ජීවිතය බේරාගැනිම .
4 මුහුදේ කුණාටු නිශ්චල කිරීම .
5 ඉඩෝර සමයේදි දිළිඳුන්ට ආහර ලබා දීම.
6 අසාධාරණ ලෙස මරණ දණ්ඩණය නියමවු මිනිසුන් බේරා ගැනීම.
7 නෞකා ආශිර්වාද කිරීම.
8 සාන්ත නිකුලා මුනිදුන් මළවුන්ගෙන් නැගිට වු දරුවන් තිදෙනා සහ දේව වචනය ඇතැතිව .
9 ඔහු නත්තලට දරුවන්ට තෑගි බෙදා දීම.
10 ඔහුගේ ස්වර්ගස්ත වීම මා මෙහි උපුටා දැක්වූවේ සුලුවෙන් මෙතුමා කල සේවය අති මහත්ය..

ශුද්ධවු නිකුලස් මුනිඳුන් ත්‍යාගශීලි,තමන්සතු දේ දිළිඳුන් සමග බෙදාගත් සැබෑ ක්‍රිස්තු ශ්‍රාවකයෙක් ය. එබැවින් උන්වහන්සේගේ සැබෑ ජීවිතය විකෘතී කරන වෙළන්ඳ ලෝකයෙන් උන්වහන්සේව බේරා ගන්නා ලෙස මෙම ආගමන කාලය තුල අපි දෙවිදුන් යදිමු... ජේසු පිහිටයි වැඩි විස්තර සඳහා http://en.wikipedia.org/wiki/Saint_Nicholas

හිටපු නායක මහේල ජයවර්ධනගේ ජීවිතේ සත්‍ය අනාවරණයක්


- මහේලගේ අපි නොදුටු පැත්ත -

වසර 3කට පෙර ,

දිනක් ක්‍රිස්ටිනා ජයවර්ධනගේ ජංගම දුරකතනයට ඇමතුමක් ලැබුණි. ඒ පකිස්තානයේ සංචාරයක නිරත වී සිටි ඇගේ සැමියා මහේල ජයවර්ධනගෙන්ය.

" කට්ටියක් අපිට වෙඩි තියනවා " ....
ක්‍රිස්ටිනාට ඉන් අනතුරුව ඇසුණේ වෙඩි හඩවල් පමණි. ඇගේ නෙතගින් කදුළු වැගිරුණේ ඇයටත් නොදැනුවත්වය.

ඒ මහේලගේ දිවියේ කටුකම බියකරුම දිනයයි. ක්‍රිකට් ලොවේ තම සමීපතම සගයා කුමාර සංගක්කාරද මරණයෙන් බේරිමට උත්සහ දරන ආකාරය ඔහු දුටුවේය.

ඔහු පසු කලෙක මිතුරන් හා පැවසුවේ මෙයයි.
" මම හිතුවා එදා මම මැරෙයි කියලා "
--------------------------------------------------------------------------------------
අද ,

වසර 30 කට අධික කාලයක් යුද්දයෙන් බැට කා ශ්‍රි ලංකාවාසීන් අද ආඩම්බරයෙන් ලෝක විස්සයි විස්ස ලෝක කුසලානය තම සුන්දර දූපතේ පවත්වයි. ශ්‍රි ලංකාව අවසාන තරගයටද සුදුසුකම් ලබා ඇත.
ශ්‍රි ලංකාවාසීන් සිනහමුසු මුහුණින් සිටියත් ඔවුන් කිසිවිටෙකත් ඔවුන්ගෙ අවාසානාවන්ත සිවිල් යුද්ධය සිතින් අමතක කර නොමැත.
ඔවුන් අද ලොවටම පවසන්නෙ ඔවුන් සිටිය ආකාරත් අද සිටින ආකරයත්ය.
අවසන් තරගය පැවැත්වෙන ක්‍රීඩාංගණය ලබා දුන්නේ කොටි සංවිධානය විසින් ඝාතනය කල හිටපු ශ්‍රි ලංකා ජනපති රණසිංහ ප්‍රේමදාසය.

යුද්ධයෙන් පසු ශ්‍රි ලංකා ජනතාවට නැවත සතුටු විය හැකි ආරංචිය බොහෝ දුරට මෙම ලෝක කුසලානය වීමට ඉඩ තිබේ. එය මේ ඉරිදා තීරණය වනු ඇත.
එහෙත් ශ්‍රි ලාංකීය ජනතාව ඔවුන්ගේ ක්‍රිකට් නායකයා ගැන ආඩම්බර විය යුතුය. ඒ ඇයි ?
-------------------------------------------------------------------------------------
අවසාන පුර්ව තරගයට පෙර මහේල සිනමන් ග්‍රෑන්ඩ් හෝටලයෙ තේ පානය කරමින් සිටියේය. හැමෝම ඔහු දෙස බලයි.
එහෙත් ඔවුන්ගෙ සගයන්වත් ඔහු සමග කතා කිරීමට උත්සහ නොකරයි.
ක්‍රිස්ටිනා පමණක් ලගට වී නිහඩව සිටියි. ඒ මහේල තේ පානයට එතරම් කැමති බැවිනි. සංගා නම් පැමිණ කුමක්දෝ පවසයි.
මහේල අත් ඔරලෝසුව දෙස බලයි. තම සගයින් හා එක්වී පුහුණු වීම්
කටයුතු වලට යායුතුය.

මෙම සිදුවීම් අතර මහේල , ජාත්‍යන්තර ක්‍රිකට් කවුන්සිලයේ නියෝජිතයන් හට වැදගත් දෙයක් පැවසා තිබුණි.

" මට අවුරුදු 35යි. අවුරුදු 6, 7 ඉදන් යුද්ධය කියනදේ ගැන අහ අහ ජීවත් වුනේ. මගෙ රටේ මිනිස්සු හැමෝම එහෙමයි. දැන් තියෙන්නෙ අපි හිනා වෙන කාලය. "

මහේලගෙ පාසල් මිතුරන් කිහිපදෙනෙක්ද බෝම්බ් වලට අසුවී මිය ගොස් ඇත.

--------------------------------------------------------------------------------------
මහේලගෙ මිතුරෙක් වන සංජීව ජයවර්ධන මෙසේ පවසයි.

" මහේල සාමාන්‍ය පවුලක කෙනෙක්. එයාට මල්ලි කෙනෙක් හිටියා දිශාල් කියලා. දිශාල්ට අවුරුදු 16 දී පිලිකාවකට ගොදුරු වෙන්න සිද්ද වුනා.
මහේලගෙ තාත්තා එයාව බේර ගන්න හැමදේම වික්කා.හැමදේම.
ගෙදර තිබ්බ බඩු පවා. එත් වැඩක් වුනේ නෑ. දිශාල් නැති වුනා. විශ්වාස කරන්න , මහේලගෙ ගෙදරට අන්තිමට ටී.වී. එකක්වත් තිබ්බෙ නෑ.
මහේලට ඉතිරි උනේ එයා හුගක් ආදරේ කරපු බැට් එකයි , සපත්තු දෙකයි විතරයි. ඊට පස්සෙ මහේලට ක්‍රිකට් ගහන්න ආසවක් තිබ්බේ නෑ.
එයා ක්‍රිකට් ගහන අත අරින්න් යද්දි යාලුවො තමයි බල කරලා පුහුණුවීම් වලට ගෙන්න ගත්තෙ."

අද මහේල යනු ලංකාවෙන් බිහිවුණ සුපිරිතම පිතිකරුවා. ලෝක ක්‍රිකට් වලත් එදා මෙදා තුර සිටි , තවමත් සිටින සුපිරිම පිතිකරුවන් කිහිපදෙනා අතර අයෙක්.

මහේල වැඩසටහන්වලට මුහුණ දීමට අකමැති තම මියගිය සොහොයුරා ගැන කතා කිරීම තරම් තවත් කටුක දෙයක් ඔහුගෙ ජිවිතේ නොමැති නිසයි.
ඔහුගෙ අලුත් මිතුරන් දිශාල් ගැන දන්නෙ ඔහු මියගිය බව පමණි.
ඔහු එම මාතෘකාව තුලදී එතරම් නිහඩය. බොහෝදෙනෙක්
නොදන්න තවත් දෙයක් තිබේ.
ඒ ඔහු යන යන තැන තම සොහොයුරාගේ පින්තූරයක් රැගෙන යන බවයි.
ඔහුට දිශාල් පින්තූරක් තුල හෝ ජීවමානව සිටිනු බව සිතමින් ඔහු සතුටු වේ.
මහේල අසරණ රෝගින්ට කරන උදව් ලංකාවෙ ජනතාවත් දන්නවාදැයි සැකයක් උපදියි.
-------------------------------------------------------------------------------------
මහේල පලමු වතාවට ශ්‍රි ලංකා කණ්ඩායමේ නායකයා වූ කාලයේ දිනක් සිය මිතුරෙකු සමග මළගෙදරක යමින් සිටියේය.
පොලිස් මුරපොලක් ඔවුන්ගේ වාහනය නැවත්විය. මේ සිදු වුයේ රාත්‍රියේ නිසා පොලිස් නිලධාරියාට මහේල හදුනාගැනීමට නොහැකි විය.

"උඹ කවුද කියලා කියපන් " එ මහේලගෙ මිතුරයි.
" මට බෑ " ඒ මහේලගෙ පිලිතුරයි.
" හැදුනුම්පත දෙන්න " පොලිස් නිලධාරියා පැවසුවේය.
මහේලගෙ හැදුනුම්පතේ නම සදහන් වී ඇත්තෙ දෙනගමගෙ ප්‍රබෝත් මහේල ද සිල්වා ජයවර්ධන යනුවෙනි.
එබැවින් පොලිස් නිලධාරියාට පමණක් නොව ඕනෑම අයෙකුට මේ මහේල ජයවර්ධනයයි එක පාරටම හදුනා ගැනීමට් අපහසුය. මහේල නිහඩවම සිටියේය.

" මම ක්‍රිකට් ටීම් එකේ නායකයා වුනාට එයා කරන්නෙ එයාගෙ ඩියුටිය. " මහේල පැවසුවේය.

ශ්‍රි ලාංකිකයනි , ඔබ නොදන්න ඔබේ ක්‍රිකට් නායකයා එවැනි චරිතයකි.

( රයිට් තොම්සන් නම් විදේශිය ලේඛකයා පලකල ලිපියක් ඇසුරෙනි./පරිවර්තනය:Elakiri.com හී සහෝදරයෙකු විසින් )